Во Република Македонија постои посебен закон за заштита на правата на пациентите, при што се предвидени:
Во делот „Права на пациентите“ се потенцира дека „Пациентот ги има правата пропишани со овој или со друг закон или со ратификуван меѓународен договор“ (чл. 5 ст. 1). Во истиот член е содржана широка антидискриминаторска клаузула, одредба за почитување на личноста и достоинството на секој пациент и афирмација на правото на лична сигурност на пациентот (за време на престојот во здравствената установа).
Пациентот има право на грижа, лекување и рехабилитација што се во согласност со неговите поединечни потреби и способности и што ја унапредуваат состојбата со неговото здравје, со цел да го достигне највисокото можно лично ниво на здравје, согласно достапните методи и можности на медицината, а во согласност со прописите од областа на здравствената заштита и здравственото осигурување.
Партиципативната и активна позицијата на пациентите во однос на здравствените работници и промовирањето на човековите права во здравствената заштита и медицината, ќе овозможи должно почитување на достоинството и на пациентите и на здравствените работници.
Пациентот за време на престојот во ЈЗУ Клиничка болница Битола е обврзан, во согласност со состојбата на неговото здравје:
Со правата и обврските на пациентите подетално можете да се запознаете преку законот за заштита на правата на пациентите, кој е достапен на интернет страницата на Министерството за здравство на Република Македонија, како и преку останатите закони од областа на здравството.