ЈАВНА ЗДРАВСТВЕНА УСТАНОВА

КЛИНИЧКА БОЛНИЦА

ТЕТОВО

INSTITUCIONI PUBLIK SHËNDETËSOR

SPITALI KLINIK

TETOVË

Shërbime Bashkëkohore për Pacientët në Urologji

Të nderuar qytetarë, të dashur pacientë,
Spitali ynë vazhdon me përmirësimin e kushteve dhe shërbimeve për pacientët përmes investimeve konkrete dhe modernizimit të vazhdueshëm.
Reparti i Urologjisë tashmë është tërësisht i renovuar dhe i përshtatur sipas standardeve bashkëkohore, duke ofruar kushte më të mira si për pacientët, ashtu edhe për personelin shëndetësor.
Nën drejtimin e drejtorit Erzen Elezi, dhe me mbështetjen e drejtorit të Fondit Shëndetësor, Sasho Klekovski, ky repart është pajisur me teknologji moderne, duke përfshirë aparaturë për eho dhe biopsi të prostatës, pajisje për thyerjen e gurëve në veshka, si dhe mjete për trajtimin e kanaleve urinare dhe fshikëzës urinare.
Falë këtyre investimeve, prej disa muajsh po kryhen operacione të vazhdueshme dhe më të komplikuara për sëmundje që më parë nuk janë realizuar në këtë institucion, të cilat tani po kryhen me sukses nga stafi profesional.
Këto zhvillime mundësojnë që pacientët të marrin shërbime cilësore brenda spitalit tonë, pa pasur nevojë për trajtim jashtë vendit.

Ndani:
Facebook
Twitter
LinkedIn
WhatsApp
Email
Print